TOUR REGLA MEI 2010
Regla i rekomendashon di " Leu Fo`i Kas Tours"
Na tur nos reunionan nos ta splika masha hopi kos entre otro:
No keda sin tuma un reis en ziekteverzekering. Si na bo pais por,
anto tuma tambe un annuleringsverzekering. Ku nos eksperensha
nos a ripara ku kasi 50% di nos hendenan no ta hasi esaki, pero
ta nos deber di avisa i rekomenda esaki. Borgsom pa garantisa bo
reservashon no ta worde duna bek. Tambe, si bo kansela bo tour
menos ku 6 siman prome ku e salida di e tour, e hotels i touringcar
no ta duna plaka bek. P`esey tin e annuleringsverzekering.
No mas ku 1 maleta grandi di tamano normal pa persona, i si ta
posibel un maleta duru ku wiel abou, pasobra na Europa den kasi
ningun hotel tin bellboys.
Nos tour ta basa ariba kamber dòbel, i ora un pasahero ta bai su so
nos ta buska un bon hende pa parti su kamber kune manera tur otro
tours ta hasi. Ta hopi duele pa un persona mester paga 42% mas pa
un kuarto singel, solamente si e mes ta desea esaki. Tripel ta hopi
difisil den varios hotels na Europa. P`esey e tour aki ta basa ariba 2
of 1 persona den kamber. Dòbel of singel.
Nos paradanan di salida ta: Schiphol of bisendario. Despues na e
Amsterdam Amstel station (NO na Amsterdam Centraal station) i
despues na Utrecht Centraal station. Korda di bini ku boso remedi di
kustumber, ku bo tin konfiansa aden.
Salida ta dia 12 di Mei for di Schiphol of bisendario pa 8:30 di mainta.
Na Amsterdam Amstel Station (no centraal) entre 9:00 pa 9:30 di
mainta i nos ultimo parada ta na Utrecht Centraal Station depende na
e trafiko entre 10:00 i 10:30 di mainta. POR FABOR NO YEGA LAT DOR
KU E BUS NO POR WARDA. Nos mester yega na tempu pa e bus por
subi ariba e bapor pa asina nos krusa e Noord Zee pa bai Inglatera.
Regreso ta dia 27 di Mei na unda nos lo yega bek na Utrecht entre
19:00-19:30 i na Amsterdam Amstel Station entre 20:00-20:30 i na
Schiphol of bisendario entre 21:00-21:30 depende e trafiko.
Un bon kuminda kayente ta kosta entre 15 pa 18€ i e bebida apart.
Si bo ta un persona ku ta kome hopi anto e ta entre 18 pa 20€ i e
bebida apart. Esnan ku gusta kome 2 biaha kuminda kayente pa dia
mester kalkula esaki 2 biaha pa persona.Kuminda kayente no ta inklui.
Den nos Europa Tour di Mei 2010 ta inklui entre otro: Bus moderno di
kalidat ku servisio na bordo, hopi bon hotels ku desayuno inklui. Tours
bunita ku mi persona of ku guianan profeshonal den varios siudat i un
tour ariba e riu Seine den boto na Paris.
Na Lourdes i na Fatima nos lo keda serka di e Heiligdommen, ku asina
nos por yega fasil i bai bek na nos hotel ora nos desea esaki.
DANKI PA BOSO KONFIANSA I PASA UN TREMENDO VAKASHON.