TOUR DI Mei 2010
E BUNITA TOUR DI MEI TA DURA 16 DIA. SALIDA TA DIA 12 i REGRESO TA DIA 27.
LO PASA ENTRE OTRO NA BELGICA, LONDON,
PARIS, POITIERS, LOURDES, FATIMA, LISSABON, BURGOS, MADRID, BARCELONA
COSTA BRAVA - MONTSERRAT - MADONNA NEGRA, SAINT ALBAIN, BELGICA I BEK PA HULANDA.
Inglatera:
HOPI HENDE A PUNTRAMI DI AGREGA INGLATERA I NATURALMENTE LONDON DEN NOS BUNITA TOUR DI MEI. VIA DOVER NOS LO DRENTA INGLATERA PA DESPUES SIGI UN BUNITA RUTA TURISTIKO PA LONDON NA UNDA NOS LO KEDA 2 ANOCHI.
NA LONDON NOS CITY TOUR TA MASHA BUNITA I INTERESANTE NA UNDA NOS LO BISHITA HOPI LUGA HISTORIKO I DIFERENTE ATRAKSHONAN TURISTIKO. AKI NOS POR APRESIA ALGUN DI E ATRAKSHONAN GRANDI KU LONDON TIN.
DESPUES DI LONDON NOS LO BOLBE DRENTA FRANSIA I SIGI PA PARIS.
Fransia: 
Na Fransia nos ta bishita entre otro Paris ku tur su bunita monumentonan manera : Arc de Triomphe, Eiffel Toren, Champs - Elysèes, Notre Dame i hopi mas. Anochi tin oportunidat di bishita e centro nokturno i e distrito na unda tin tur e theaternan. Durante di dia ora nos ta liber tin tempu pa shopping of di bishita e gran museonan.
Ariba kaminda pa sur di Fransia nos lo keda un anochi na e siudat di Poitiers famoso pa su park ku ta dunabu e impreshon di ta biba den futuro kaba i ku tin e show di fontein mas bunita i sensashonal di Europa.
Na Lourdes nos lo yega na tempu pa tuma parti na e tremendo proseshon di bela i naturalmente un bishita na su famoso grot na unda miones di hende ta pasa tur anya.
PORTUGAL:
Despues di Lourdes nos lo pasa via e bunita siudat di Burgos den norte di Spanje pa drenta Portugal den su parti norte i krusa e bunita pais aki te na nos destino kual ta Fatima na unda nos lo keda dos anochi. For di Fatima nos lo hasi un bunita tour i bishita pa varios horas e maravioso siudat di Lissabon e kapital di Portugal.
Tur dia tin diferente proseshon na Fatima na unda meskos ku Lourdes miones di bishitante di tur nashonalidat ta bini pa partisipa na e proseshon.
Pa sigi mira e tour di Mei click aki.