Na tur nos reunionan nos ta splika masha hopi kos entre otro:

No keda sin tuma un reis en ziekteverzekering. Si na bo pais por, anto tuma tambe un annuleringsverzekering. Ku nos eksperensha nos a ripara ku kasi 50% di nos hendenan no ta hasi esaki, pero ta nos deber di avisa i rekomenda esaki. Borgsom pa garantisa bo reservashon no ta worde duna bek. Tambe, si bo kansela bo tour menos ku 6 siman prome ku e salida di e tour, e hotels i touringcar no ta duna plaka bek. P`esey tin e annuleringsverzekering.

No mas ku 1 maleta grandi di tamano normal pa persona, i si ta posibel un maleta duru ku wiel abou, pasobra na Europa den kasi ningun hotel tin bellboys.

Nos tour ta basa ariba kamber dòbel, i ora un pasahero ta bai su so nos ta buska un bon hende pa parti su kamber kune manera tur otro tours ta hasi. Ta hopi duele pa un persona mester paga 42% mas pa un kuarto singel, solamente si e mes ta desea esaki. Tripel ta hopi difisil den varios hotels na Europa. P`esey e tour aki ta basa ariba 2 of 1 persona den kamber. Dòbel of singel.

Nos paradanan di salida ta: Schiphol of bisendario. Despues na e Amsterdam Amstel station (NO na Amsterdam Centraal station) i despues na Utrecht Centraal station. Korda di bini ku boso remedi di kustumber, ku bo tin konfiansa aden.

Salida ta dia 14 di Yüli for di Schiphol of bisendario pa 8:30 di mainta. Na Amsterdam Amstel Station (no centraal) entre 9:00 pa 9:30 di mainta i nos ultimo parada ta na Utrecht Centraal Station depende na e trafiko entre 10:00 i 10:30 di mainta.

Regreso ta dia 31 di Yüli na unda nos lo yega bek na Utrecht entre 19:00-19:30 i na Amsterdam Amstel Station entre 20:00-20:30 i na Schiphol of bisendario entre 21:00-21:30 depende e trafiko.

Un bon kuminda kayente ta kosta entre 15 pa 18€ i e bebida apart. Si bo ta un persona ku ta kome hopi anto e ta entre 18 pa 20€ i e bebida apart. Esnan ku gusta kome 2 biaha kuminda kayente pa dia mester kalkula esaki 2 biaha pa persona.Kuminda kayente no ta inklui.

Den nos Europa Tour di Yüli 2010 ta inklui entre otro: Bus moderno di kalidat ku servisio na bordo, hopi bon hotels ku desayuno inklui. Tours bunita ku mi persona of ku guianan profeshonal den varios siudat i un tour ariba e riu Seine den boto na Paris. Boto pa bai Venetie i un trip den e gondolas na Venetie. Entrada den e famoso Palasio di Versailles i un city tour grandi na Roma i un tour largo pa konose e Vaticano. No inklui ta: Un trip pa bai den e teleferiko na Zwitserland ku solamente esnan ku no tin hoogtevrees. Pas esnan ku ta desea di bai subi den e teleferiko i no tin hoogtevrees e ta kosta pa hende grandi entre 50 i 52 euro i pa mucha 28 euro. E ta algo fabuloso.

Na Lourdes i na Fatima nos lo keda serka di e Heiligdommen, ku asina nos por yega fasil i bai bek na nos hotel ora nos desea esaki.

DANKI PA BOSO KONFIANSA I PASA UN TREMENDO VAKASHON.